Notice: Undefined offset: 2 in /var/www/html/afprcsite/wp-content/plugins/visitors-online/visitors-online.php on line 288

Notice: Undefined offset: 1 in /var/www/html/afprcsite/wp-content/plugins/visitors-online/visitors-online.php on line 288
April 2017 – afprc.nafri.org.la

Monthly Archives:April 2017

BySomechai Phimmasone

ສຄກປ ໄດ້ຈັດກອງປະຊຸມວິຊາການເພື່ອເຜີຍແຜ່ ແລະ ປຶກສາຫາລືຜົນການສຶກສາຄົ້ນຄ້ວາທາງດ້ານນະໂຍບາຍກະສິກໍາ

ພາຍໄຕ້ການຊີ້ນໍາ ສະຖາບັນຄົ້ນຄ້ວາກະສິກໍາ ແລະ ປ່າໄມ້ ແຫ່ງຊາດ, ຄັງປັນຍາດ້ານນະໂຍບາຍ (Policy think tank) ໂດຍຮ່ວມກັບບັນດາໂຄງການພັດທະນາ ແລະ ຄູ່ຮ່ວມພັດທະນາໄດ້ດໍາເນີນການສຶກສາ ຄົ້ນຄ້ວາທາງດ້ານ ນະໂຍບາຍກ່ຽວກັບການປູກກ້ວຍເປັນສິນຄ້າ ແລະ ຜົນຜະລິດຍານ ຢູ່ໃນ ສປປ ລາວ. ຈຸດປະສົງຂອງກອງປະຊຸມແມ່ນເພື່ອສະເໜີຜົນການຄົ້ນຄ້ວາ ແລະ ຂໍ້ສະເໜີທາງດ້ານນະໂຍບາຍ ເພື່ອພິຈາ ລະນາຈາກຜູ້ອອກນະໂຍບາຍ.

ໂດຍການເປັນປະທານກອງປະຊຸມວິຊາການ ຂອງ ດຣ. ບຸນຖອງ ບົວຫອມ, ຫົວໜ້າສະຖາບັນຄົ້ນຄ້ວາ ກະສິກໍາ ແລະ ປ່າໄມ້ ແຫ່ງຊາດ. ມີຜູ້ເຂົ້າຮ່ວມກອງປະຊຸມຫຼາຍກ່ວາ 100 ທ່ານ ເຊິ່ງເປັນຕົວແທນ ມາຈາກອໍານາດການປົກຄອງຂັ້ນແຂວງ, ກົມກອງ ແລະ ກະຊວງທີ່ກ່ຽວຂ້ອງ, ອົງການຈັດຕັ້ງສັງຄົມ ແລະ ຕາງໜ້າຈາກ ພາກທຸລະກິດ ທີ່ກ່ຽວຂ້ອງ.

ຜົນການສຶກສາຄົ້ນຄ້ວາ ຈາກການສຶກສາການປູກກ້ວຍເພື່ອເປັນສິນຄ້າຮຽກຮ້ອງເຖິງການເອົາໃຈໃສ່ຈາກພາກ ສ່ວນຕ່າງໆ. ໃນປີ 2015, ຈໍານວນສົ່ງອອກກ້ວຍທັງໝົດແມ່ນ 216,861 ໂຕນ (ມູນຄ່າ 39.94 ລ້ານ ໂດລາສະຫະລັດ). 88% ຂອງກ້ວຍທັງໝົດແມ່ນສົ່ງອອກໄປ ສປປ ຈີນ ແລະ 12% ແມ່ນສົ່ງ ອອກໄປ ປະເທດໄທ (ແຫຼ່ງຂໍ້ມູນ: ກຊອຄ, 2016). ຕົວເລກການສົ່ງອອກຕົວຈິງອາດມີຫຼາຍກ່ວານີ້ ຍ້ອນວ່າການສົ່ງອອກກ້ວຍສ່ວນໃຫຍ່ແມ່ນການສົ່ງອອກບໍ່ເປັນທາງການ. ການສຶກສາຄົ້ນຄ້ວາດັ່ງກາ່ວເໜັ້ນ ໃຫ້ເຫັນວ່າມີການໃຊ້ຝຸ່ນສານເຄມີຫຼາຍ ເຊິ່ງມີການນໍາໃຊ້ຝຸ່ນສານເຄມີຫຼາຍກ່ວາ 100 ຊະນິດ (ຢາຂ້າແມງ ໄມ້, ຢາປາບສັດຕູພືດ, ປ້ອງກັນເຊື້ອລາ, ສານບໍລຸງ, ອື່ນໆ) ເຂົ້າໃນຂະບວນການປູກກ້ວຍເປັນສິນຄ້າ. ຄ່າໃຊ້ຈ່າຍກ່ຽວກັບສຸຂະພາບ ແລະ ສິ່ງແວດລ້ອມ (ເຊິ່ງຍາກທີ່ຈະປະເມີນຄ່າ) ອາດມີມູນຄ່າສູງກ່ວາ ຜົນປະໂຫຍດທີ່ໄດ້ຮັບ (ເຊັ່ນ: ການສ້າງລາຍຮັບ, ໂອກາດໃນການຈ້າງງານ). ຂໍ້ມູນສະແດງໃຫ້ເຫັນວ່າ ຜົນຕອບແທນທາງດ້ານເສດຖະກິດຈາກຄ່າເຊົ່າດິນແມ່ນສູງກ່ວາ ການໃຫ້ສໍາປະທານໃນໄລຍະຍາວ. ອັນທີ່ ສໍາຄັນ, ບັນດາກົດໝາຍ, ຂໍ້ແນະນໍາ ແລະ ລະບຽບການ ແມ່ນມີຢູ່ແລ້ວ ແຕ່ຍັງອ່ອນຢູ່ໃນຂັ້ນຕອນ ການຈັດຕັ້ງປະຕິບັດບັນດາລະບຽບການຕ່າງໆ.

ຜົນການສຶກສາຄົ້ນຄ້ວາໃຫ້ຫົວຂໍ້ທີສອງແມ່ນກ່ຽວກັບຜົນຜະລິດຍານ ເພື່ອການພັດທະນາສິນຄ້າເຄື່ອງປ່າ ຂອງດົງທີມີມູນຄ່າສູງ ຢູ່ເຂດເນີນສູງພາກເໜືອ. ຜົນຜະລິດຍານຈາກ ສປປ ລາວ ແມ່ນມີຄຸນນະພາບສູງ ແລະ ນໍາໃຊ້ເຂົ້າໃນການຜະລິດນໍ້າຫອມ ແລະ ການຜະລິດຢາ. ຜົນຜະລິດຍານຂອງລາວສ່ວນໃຫຍ່ແມ່ນສົ່ງອອກ ໄປຕະຫຼາດ ຢຸໂຣບ ເຊິ່ງມີມູນຄ່າປະມານ 1.46 ລາ້ນ ໂດລາສະຫະລັດ ຕໍ່ປີ. ຜົນການສຶກສາຮຽກຮ້ອງເຖິງ ຄວາມສໍາຄັນໃນການ ຈັດສັນທີ່ດິນ ເພື່ອເຮັດໃຫ້ຜົນຜະລິດຍານມີຄວາມຍືນຍົງ ແລະ ຄວນມີການຄຸ້ມຄອງ ການເກັບກ່ຽວຍານທີ່ດີ. ໃນນີ້, ລັດຖະບານຄວນມີສ່ວນຮ່ວມໃນການຄວບຄຸມດ້ານລາຄາ ເພື່ອໃຫ້ມີຄວາມ ຍຸດຕິທໍາໃຫ້ແກ່ທັງສອງ ຝ່າຍລວມທັງຜູ້ເກັບກ່ຽວ ແລະ ຜູ້ຮັບຊື້ຍານ.

ຫຼັງຈາກການສະເໜີຜົນການສຶກສາຄົ້ນຄ້ວາ ຜູ້ເຂົ້າຮ່ວມກອງປະຊຸມໄດ້ມີການປຶກສາຫາລືກັນຢ່າງຟົດຟື້ນ ແລະ ອໍານວຍສະດວກໃນການປຶກສາຫາລື ໂດຍທ່ານປະທານກອງປະຊຸມ.

 

BySomechai Phimmasone

ກອງປະຊຸມ ພົບປະລະຫວ່າງຕາງໜ້າຊາວກະສິກອນ ແລະ ຜູ້ປະກອບການກ່ຽວກັບການຜະລິດກະສິກຳເປັນສີນຄ້າ.

img_6242img_6248
ໃນວັນທີ່ 17 ມັງກອນ 2017 ນີ້ ພະແນກກະສິກຳ ແລະ ປ່າໄມ້ ແຂວງ ສະຫວັນນະເຂດໄດ້ຈັດກອງປະຊຸມພົບປະລະຫວ່າງຂະແໜງການທີ່ກ້ຽວຂ້ອງ ກັບຕ່າງໜ້າຊາວກະສິກອນ ແລະ ຜູ້ປະກອບການກ່ຽວກັບການຜະລິດກະສິກຳເປັນສີນຄ້າ ຂື້ນທີ່ຫ້ອງວ່າການປົກຄອງແຂວງ ໂດຍການເປັນປະທານຂອງທ່ານ ສັນຕິພາບ ພົມວິຫານ ເລຂາພັກແຂວງ ເຈົ້າແຂວງ ແຂວງສະຫວັນນະເຂດ, ທ່ານ ປີນຍາເອກ ລຽນ ທີແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ພ້ອມນີ້ຍັງມີ ທ່ານ ຮອງລັດຖະມົນຕີ, ຮອງຜູ້ອຳນວຍການທະນາຄານ, ພະແນກການອ້ອມຂ້າງແຂວງ, ເຈົ້າເມືອງ ແລະນັກທຸລະກີດຜູ້ປະກອບການ, ຊາວກະສິກອນເຂົ້າຮ່ວມຢ່າງພ້ອມພຽງ.

ໃນທີ່ປະຊຸມ ທ່ານ ໄພເລີດ ພົນບູລົມ ຫົວໜ້າພະແນກແຜນການ ແລະການລົງທືນແຂວງ ໄດ້ລາຍງານສະພາບການລົງທືນພາຍໃນແຂວງ ປະຈຸບັນທົ່ວແຂວງໄດ້ມີບັນດານັກທຸລະກິດທັງພາຍໃນ ແລະຕ່າງປະເທດທີ່ມາລົງທືນໃນຂະແໜງກະສິກຳ ແລະ ປ່າໄມ້ມີທັງໝົດ 133 ບໍລິສັດ ຊື່ງມີມູນຄ້າ 930 ກວ່າລ້ານ ໂດລາສະຫາລັດ, ໃນນີ້ມີ ລາວ, ຫວຽດນາມ, ຈີນ, ໄທ, ອີນເດຍ ແລະສະວີເດນ.

ສ່ວນໃຫຍ່ການລົງທືນໃສ່ການປູກໄມ້ວິກ, ຢາງພາລາ, ອ້ອຍ ແລະ ເຂົ້າ, ອັນພົ້ນເດັ່ນແມ່ນການຜະລິດເຂົ້າເພື່ອສົ່ງອອກໃນສົກປີ 2015-2016 ສາມາດສົ່ງອອກເຂົ້າສານໄດ້ 13 ພັນກວ່າໂຕນ ໃນນີ້ມີເຂົ້າຈ້າວຫອມສະຫວັນ ແລະເຂົ້າໜຽວ, ອ້ອຍກໍ່ເປັນສີ້ນຄ້າອັນໜື່ງທີ່ສາມາດສ້າງລາຍຮັບໃຫ້ປະຊາຊົນໄດ້ເຖີງ 26 ລ້ານກວ່າໂດລາ ໂດຍມີຕະຫຼາດສົ່ງອອກເປັນຫຼັກແມ່ນສະຫະພາບເອີລົບ ຫຼື EU

ໃນທີປະຊຸມບັນດາຂະແໜງການ ແລະຜູ້ປະກອບການ ກໍ່ໄດ້ມີຄຳເຫັນ ແລະແລກປ່ຽນບົດຮຽນຮ່ວມກັນເປັນຕົ້ນ: ການຊອກຫາແລ່ງທືນກູ້ຍື່ມທີມີດອກເບ້ຍຕ່ຳໄລຍະຍາວ, ແນວພັນ, ຕະຫຼາດເພື່ອຄ້ຳປະກັນລາຄາ, ຄ່າກະແສໄຟຟ້າ, ຫັນປ່ຽນການຜະລິດແບບຄອບຄົວມາເປັນການຜະລິດແບບອຸສາຫະກຳເປັນສີນຄ້າສົ່ງອອກ.

ແລະໃນຕອນທ້າຍຂອງກອງປະຊຸມ ທ່ານ ລຽນ ທີແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ກໍ່ໄດ້ໂອ້ລົມ ແລະໃຫ້ທິດຊີ້ນຳ ໃຫ້ບັນດາທຸກຂະແໜງການທັງພາກລັດ, ເອກະຊົນ, ຜູ້ປະກອບການ ແລະຊາວກະກອນ ປະສານສົບທົບຮ່ວມກັນຄົ້ນຄວ້າຊອກຫາແນວພັນທີ່ດີ ແລະຕະຫຼາດຮອງຮັບດ້ານລາຄາ, ສຸ່ມໃສ່ປັບປຸງ ແລະພັດທະນາສູນ, ສະຖານີບໍລິການເຕັກນິກຕ່າງໆ ໂດຍເລັ່ງໃສ່ການຝຶກອົບຮົມ, ສົ່ງເສີມການຜະລິດຂອງກຸ່ມ ແລະ ທຸກສີງທຸກຢ່າງແມ່ນຈັດຕັ້ງຢູ່ພາຍໃນຄຳຂວັນ 3 ເປີດເຊັ່ນ: ເປີດປະຕູຮັບເອົາການຮ່ວມມື, ລົງທືນ, ເປີດສີງກິດຂວ້າງອອກໃຫ້ໝົດ ແລະ ເປີດໃຈໃຫ້ກວ້າງ.


BySoulieck Kingkeo

ຫ້ອງວ່າການສໍານັກງານ ນາຍົກລັດຖະມົນຕີ ເຜີຍແຜ່ເອກະສານ ສຳຄັນຂອງຊາດ

phet
ຂປລ. ໃນວັນທີ 31 ມີນາ ຫ້ອງວ່າການ ສໍານັກງານນາຍົກ ລັດຖະມົນຕີ ໄດ້ເຜີຍແຜ່ດຳລັດ  ສະບັບເລກທີ 93/ນຍ, ລົງວັນທີ 3ມີນາ 2017ວ່າດ້ວຍການຈັດຕັ້ງ ແລະ ການເຄື່ອນໄຫວຂອງ ຫ້ອງວ່າການສຳນັກງານ ນາຍົກລັດຖະມົນຕີ. ໂດຍການໃຫ້ກຽດເຂົ້າຮ່ວມ ເປັນປະທານ ຂອງ ທ່ານ ເພັດ ພົມພິພັກ ລັດຖະມົນຕີ, ຫົວໜ້າຫ້ອງວ່າການ ສຳນັກງານນາຍົກລັດຖະມົນຕີ, ພ້ອມດ້ວຍພະນັກງານ-ລັດຖະກອນ ພາຍໃນຫ້ອງວ່າການສຳນັກງານ ນາຍົກລັດຖະມົນຕີ ເຂົ້າຮ່ວມ. Read More

Bykomkeo Sibounwang

JICA ສືບຕໍ່ໂຄງການພັດທະນາກະສິກຳ ຢູ່ສະຫວັນນະເຂດ

3
ອົງການຮ່ວມມືສາກົນຍີ່ປຸ່ນ ຫລື ໄຈກາ (JICA) ໄດ້ສືບຕໍ່ໃຫ້ຄວາມມື ດ້ານວິຊາການ ໃນ ການຈັດຕັ້ງປະຕິບັດ ໂຄງການພັດທະນາກະສິກຳ ແບບມີສ່ວນຮ່ວມໄລຍະທີ 2 ໃນເຂດ 5 ບ້ານ ຂອງ ເມືອງຈຳພອນ ແລະ ໄຊບູລີ ແຂວງສະຫວັນນະເຂດ ພາຍຫລັງທີ່ໄດ້ຮັບຜົນສຳເລັດ ຈາກການຈັດຕັ້ງປະຕິບັດ ໂຄງການໃນໄລຍະຜ່ານມາ. ພິທີເຊັນບົດບັນທຶກຄວາມເຂົ້າໃຈຂອງທັງ ສອງຝ່າຍໄດ້ຈັດຂຶ້ນໃນ ວັນທີ 7 ມີນາ 2017 ນີ້ ໂດຍການເປັນກຽດເຂົ້າຮ່ວມຂອງ ທ່ານ ທ່ອນແກ້ວ ພຸດທະໄກຍະລາດ ຮອງ ເຈົ້າແຂວງສະຫວັນນະເຂດ, ທ່ານ ສາອິດະ ມາກິໂມໂຕ ຜູ້ຕາງໜ້າອົງການ ໄຈກາປະຈຳລາວ ແລະ ພະ ນັກງານກ່ຽວຂ້ອງເຂົ້າຮ່ວມ.

ທ່ານຮອງເຈົ້າ ແຂວງສະຫວັນນະເຂດ ກ່າວວ່າ: ແມ່ນຈະໄດ້ຮັບທຶນຊ່ວຍເຫລືອ ຈາກລັດຖະບານ ຍີ່ປຸ່ນ ຜ່ານອົງການໄຈກາ ແລະ ສົມທົບທຶນພາຍໃນ, ມີໄລຍະຈັດຕັ້ງປະຕິບັດ 5 ປີເລີ່ມແຕ່ 2017-2022 ການຮ່ວມມືສາກົນ ໃນການພັດທະນາ ກະສິກຳ-ປ່າໄມ້ ໃນແຂວງສະຫວັນນະເຂດ ໃຫ້ດີຂຶ້ນ ທັງເປັນການສະໜັບສະໜູນ ການຈັດຕັ້ງປະຕິບັດນະໂຍບາຍ ແຜນງານຄ້ຳປະກັນ ສະບຽງອາຫານ ແລະ ການຜະ ລິດກະສິກຳເປັນສິນຄ້າເທື່ອລະກ້າວ. ຜ່ານມາໂຄງການ ພັດທະນາຊົນລະກະເສດ ແບບມີສ່ວນຮ່ວມ PIAD ມີຜົນສຳເລັດສູງພໍສົມຄວນ, ດັ່ງນັ້ນ ລັດຖະບານຍີ່ປຸ່ນ ແລະ ລັດຖະບານລາວ ຈຶ່ງເຫັນດີສືບຕໍ່ ໃຫ້ການສະໜັບສະໜູນ ເພື່ອນຳເອົາຜົນສຳເລັດ ກໍຄືບົດຮຽນ ແລະ ປະສົບການດ້ານຕ່າງໆ ຈາກໂຄງການນີ້ ມາຜັນຂະຫຍາຍ ຈັດຕັ້ງປະຕິບັດຢູ່ແຂວງ ສະຫວັນນະເຂດ ແລະ ເສີມຂະ ຫຍາຍໄປຍັງແຂວງ ອື່ນໆອີກດ້ວຍ.

BySoulieck Kingkeo

ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ລົງຊຸກຍູ້ວຽກງານການຄົ້ນຄວ້າທົດລອງ ຢູ່ທີສູນຄົ້ນຄວ້າການປະມົງ ແລະ ສະຖານີຂະຫຍາຍພັນສັດ ໜອງແຕ່ງ

1 2
ວັນທີ່ 11/1/2017 ທ່ານ ລຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ລົງຊຸກຍູ້ວຽກງານການຄົ້ນຄວ້າທົດລອງ ຢູ່ທີສູນຄົ້ນຄວ້າການປະມົງ ແລະ ສະຖານີຂະຫຍາຍພັນສັດ ໜອງແຕ່ງ ເປັນກຽດຕ້ອນຮັບໂດຍ ທ່ານ ປອ ບຸນຖອງ ບົວຫອມ ຫົວໜ້າສະຖາບັນຄົ້ນຄວ້າກະສິກໍາ ແລະປ່າໄມ້ ແຫ່ງຊາດ. Read More

Bykomkeo Sibounwang

ກະຊວງກະສິກໍາ ແລະ ປ່າໄມ້ ປະຖະກະຖາສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 62 ປີ

img_7447710150722_773989229280770_6294931674201345764_n ໃນອາທິດທີ່ຜ່ານມາທີ່ສະໂມສອນກະຊວງກະສິກໍາ ແລະ ປ່າໄມ້ ກົມຈັດຕັ້ງ ແລະ ພະນັກງານ ໄດ້ຈັດພິທີປະຖະກະຖາສະເຫຼີມສະຫຼອງວັນສ້າງຕັ້ງພັກ ຄົບຮອບ 62 ປີ 22 ມີນາ 1955 ຫາ 22 ມີນາ 2017. ໃຫ້ກຽດປະຖະກະຖາໂດຍ ສະຫາຍ ສີສຸກ ພິລາວົງ ພະນັກງານອາວຸໂສບໍານານອະດີດຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກມີ ຮອງເລຂາຄະນະພັກກະຊວງກະສິກໍາ ແລະ ປ່າໄມ້, ຄະນະພັກຮາກຖານ, ເລຂາໜ່ວຍພັກ, ຫ້ອງການ, ສະມາຊິກພັກຈາກບັນດາກົມອອ້ມຂ້າງກະຊວງກະສິກໍາ ແລະ ປ່າໄມ້ ເຂົ້າຮ່ວມ 163 ສະຫາຍ ຍິງ 37 ສະຫາຍ. ຈຸດປະສົງເພື່ອສຶກສາອົບຮົມໃຫ້ສະມາຊິກພັກ, ພະນັກງານລັດຖະກອນໃນທົ່ວອົງຄະນະພັກກະຊວງກະສິກໍາ ແລະ ປ່າໄມ້ມີຄວາມຮັບຮູ້ເຂົ້າໃຈ ແລະ ຄວາມເອກອ້າງທະນົງໃຈຕໍ່ມູນເຊື້ອການຊີ້ນໍາໆພາຂອງພັກປະຊາຊົນປະຕິວັດລາວ

ຕະຫຼອດໄລຍະ 62 ປີ ຜ່ານມາ, ເປັນການຫວນຄືນມູນເຊື້ອການຊີ້ນໍາໆພາຂອງພັກ ຜົນງານໃນໄລຍະປົກປັກຮັກສາ ແລະ ສ້າງສາພັດທະນາປະເທດຊາດ ແລະ ໄລຍະຈັດຕັ້ງປະຕິບັດແນວທາງປ່ຽນແປງໃໝ່ຂອງພັກ. ໃນພິທີສະຫາຍປະທານໄດ້ເລົ່າຄືນມູນເຊື້ອການກໍາເນີດ, ຄວາມເປັນມາ ແລະ ຜົນງານອັນພົ້ນເດັ່ນຂອງພັກປະຊາຊົນປະຕິວັດລາວແຕ່ອາດີດຈົນຮອດປະຈຸບັນ ຈົນກາຍມາເປັນພັກທີ່ມີບົດບາດໃນເວທີສາກົນ ແລະ ນໍາພາປະເທດຊາດໃຫ້ນັບມື້ນັບພັດທະນາຂື້ນເລື້ອຍໆ, ໃນຕອນທ້າຍຂອງພິທີສະຫາຍປະທານຍັງໄດ້ຮຽກຮ້ອງໃຫ້ສະມາຊິກພັກ, ພະນັກງານລັດຖະກອນໃນທົ່ວອົງຄະນະພັກກະຊວງກະສີກໍາ ແລະ ປ່າໄມ້ ຈົ່ງພ້ອມກັນສືບຕໍ່ເສີມຂະຫຍາຍຫຼັກການລວມສູນປະຊາທິປະໄຕ, ຍຶດໝັ້ນໃນທັດສະນະຂອງຊົນຊັ້ນມີຄວາມຈົ່ງຮັກພັກດີ ຕໍ່ຜົນປະໂຫຍດຂອງຊາດຂອງປະຊາຊົນ ພ້ອມທັງປັບປຸງແບບແຜນວິທີການນໍາພາ ຂອງພັກຕາມແນວທາງຕິດແທດກັບມະຫາຊົນຕະຫຼອດສິດເປັນເຈົ້າ ແລະ ເພື່ອຜົນປະໂຫຍດຂອງປະຊາຊົນ ພ້ອມທັງສືບຕໍ່ຜັນຂະຫຍາຍມະຕິ 10 ຂອງພັກໃຫ້ປະກົດຜົນເປັນຈິງ.