Notice: Undefined offset: 2 in /var/www/html/afprcsite/wp-content/plugins/visitors-online/visitors-online.php on line 288

Notice: Undefined offset: 1 in /var/www/html/afprcsite/wp-content/plugins/visitors-online/visitors-online.php on line 288
ຫ້ອງວ່າການສໍານັກງານ ນາຍົກລັດຖະມົນຕີ ເຜີຍແຜ່ເອກະສານ ສຳຄັນຂອງຊາດ – afprc.nafri.org.la

ຫ້ອງວ່າການສໍານັກງານ ນາຍົກລັດຖະມົນຕີ ເຜີຍແຜ່ເອກະສານ ສຳຄັນຂອງຊາດ

BySoulieck Kingkeo

ຫ້ອງວ່າການສໍານັກງານ ນາຍົກລັດຖະມົນຕີ ເຜີຍແຜ່ເອກະສານ ສຳຄັນຂອງຊາດ

phet
ຂປລ. ໃນວັນທີ 31 ມີນາ ຫ້ອງວ່າການ ສໍານັກງານນາຍົກ ລັດຖະມົນຕີ ໄດ້ເຜີຍແຜ່ດຳລັດ  ສະບັບເລກທີ 93/ນຍ, ລົງວັນທີ 3ມີນາ 2017ວ່າດ້ວຍການຈັດຕັ້ງ ແລະ ການເຄື່ອນໄຫວຂອງ ຫ້ອງວ່າການສຳນັກງານ ນາຍົກລັດຖະມົນຕີ. ໂດຍການໃຫ້ກຽດເຂົ້າຮ່ວມ ເປັນປະທານ ຂອງ ທ່ານ ເພັດ ພົມພິພັກ ລັດຖະມົນຕີ, ຫົວໜ້າຫ້ອງວ່າການ ສຳນັກງານນາຍົກລັດຖະມົນຕີ, ພ້ອມດ້ວຍພະນັກງານ-ລັດຖະກອນ ພາຍໃນຫ້ອງວ່າການສຳນັກງານ ນາຍົກລັດຖະມົນຕີ ເຂົ້າຮ່ວມ.

ຈຸດປະສົງ ຂອງກອງປະຊຸມຄັ້ງນີ້, ເພື່ອເຜີຍແຜ່ດໍາລັດ ສະບັບດັ່ງກ່າວໃຫ້ບັນດາສະຫາຍ ສະມາຊິກ ພັກ-ພະນັກງານ ພາຍໃນຫ້ອງວ່າການ ສໍານັກງານ ນາຍົກລັດຖະມົນຕີ ໄດ້ຮັບຮູ້, ເຂົ້າໃຈເລິກເຊິ່ງກ່ຽວກັບທີ່ຕັ້ງ, ພາລະບົດບາດ, ຂອບເຂດສິດ, ໜ້າທີ່, ໂຄງປະກອບການຈັດຕັ້ງ, ລັກການ ແລະ ແບບແຜນວິທີເຮັດວຽກ ຂອງຫ້ອງວ່າການສໍານັກງານ ນາຍົກລັດຖະມົນຕີ ແນໃສ່ຍົກສູງບົດບາດ, ຄວາມຮັບຜິດຊອບ ແລະ ປະສິດທິຜົນ ໃນການຈັດຕັ້ງ ແລະ ການເຄື່ອນໄຫວ ຂອງຫ້ອງວ່າການສໍານັກງານ ນາຍົກລັດຖະມົນຕີ ເນື່ອງຈາກດຳລັດສະບັບນີ້ ໄດ້ມີການປັບປຸງຄືນໃໝ່ ແລະ ປ່ຽນແທນດຳລັດ ສະບັບເລກທີ 291/ລບ, ລົງວັນທີ 19ກັນຍາ 2011ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງຫ້ອງວ່າການ ລັດຖະບານ ທັງນີ້ ກໍເພື່ອສາມາດຕອບສະໜອງ ຄວາມຮຽກຮ້ອງຕ້ອງການ ຂອງໜ້າທີ່ການເມືອງ ໄລຍະໃໝ່ ເວົ້າລວມ, ເວົ້າສະເພາະ ແມ່ນໃຫ້ສອດຄ່ອງ ຕາມກົດໝາຍວ່າດ້ວຍລັດຖະບານ ສະບັບປັບປຸງ (ມາດຕາ 11, 12, 13, 14,15ແລະ 16). ນອກນີ້, ຜູ້ເຂົ້າຮ່ວມ ຍັງໄດ້ຮັບຟັງການເຜີຍແຜ່ ຂໍ້ຕົກລົງສະບັບເລກທີ 135/ຫສນຍ, ລົງວັນທີ 30ມີນາ 2017ວ່າດ້ວຍການແບ່ງຄວາມຮັບຜິດຊອບ ຂອງຄະນະຫ້ອງວ່າການ ສຳນັກງານນາຍົກລັດຖະມົນຕີແລະ ເອກະສານຮ່າງຂໍ້ຕົກລົງ ວ່າດ້ວຍຄວາມຮັບຜິດຊອບ, ແບບແຜນວິທີເຮັດວຽກ ຂອງຄະນະຫ້ອງວ່າການ ສຳນັກງານນາຍົກລັດຖະມົນຕີ ໃຫ້ກຽດເຜີຍແຜ່ໂດຍ ສະຫາຍ ສົມສະນິດ ສຸວັນນະລາດ ຄະນະພັກ ຫສນຍ, ຮອງລັດຖະມົນຕີ, ຮອງຫົວໜ້າ ຫສນຍ.

ໃນໂອກາດດຽວກັນ, ທ່ານປະທານກອງປະຊຸມ ກໍໄດ້ໃຫ້ກຽດໂອ້ລົມ ແລະ ເນັ້ນໜັກຕື່ມບາງບັນຫາ ເປັນຕົ້ນ ໃຫ້ບັນດາກົມເອົາໃຈໃສ່ ຈັດຕັ້ງຜັນຂະຫຍາຍ ດຳລັດສະບັບເລກທີ 93/ນຍ ໃຫ້ປະກົດຜົນເປັນຈິງ, ໃຫ້ສາມາດກຳໄດ້ບັນດາໜ້າທີ່ ຂອງຫ້ອງວ່າການ ສໍານັກງານນາຍົກລັດຖະມົນຕີ ທີ່ໄດ້ກຳນົດໄວ້ ດຳລັດສະບັບດັ່ງກ່າວ ເພື່ອເປັນເປັນບ່ອນອີງ ໃຫ້ແກ່ການກຳນົດການຈັດຕັ້ງ ແລະ ການເຄື່ອນໄຫວຂອງກົມ ໃຫ້ສຳເລັດໂດຍໄວ ແລະ ປະກາດໃຊ້ຢ່າງເປັນທາງການ; ສິ່ງສຳຄັນ ບັນດາກົມ ແມ່ນໃຫ້ມີການສະຫລຸບ ການຈັດຕັ້ງປະຕິບັດ ວຽກງານພາຍໃນກົມ ໃນໄລຍະຜ່ານມາໃຫ້ລະອຽດ ໂດຍມອບໃຫ້ ສະຫາຍຄະນະຫ້ອງວ່າການ ສໍານັກງານນາຍົກລັດຖະມົນຕີ (ຜູ້ຊີ້ນຳກົມ) ລົງເລິກລະອຽດຕົວຈິງຕື່ມ. ນອກນີ້, ທ່ານຍັງໄດ້ຮຽກຮ້ອງ ໃຫ້ພະນັກງານ ທົ່ວຫ້ອງວ່າການ ສໍານັກງານນາຍົກລັດຖະມົນຕີ ຈົ່ງເອົາໃຈໃສ່ປະຕິບັດໜ້າທີ່ ໃນການເປັນເສນາທິການ, ປະສານງານ ແລະ ບໍລິການຮັບໃຊ້ລັດຖະບານ,ນາຍົກລັດຖະມົນຕີ, ບັນດາຮອງນາຍົກລັດຖະມົນຕີ ກໍຄື ຂັ້ນເທິງໃຫ້ຖືກຕ້ອງ, ລະອຽດ, ຈະແຈ້ງ, ວ່ອງໄວ, ທັນສະພາບການ ແລະ ມີປະສິດທິຜົນ.
phet1

ຂ່າວຈາກ: ສຳນັກງານຂ່າວສານປະເທດລາວ

About the Author

Soulieck Kingkeo administrator